Padrenda 4 - Arenteiro B 1, Catacrash!!!!

Nun moi mal partido o Arenteiro B sufriu unha forte derrota contra o equipo de Padrenda.
A dúbida que existía era se o equipo era capaz de impoñerse mantendo unha boa defensa ou se pola contra este traballo defensivo de manter a portería a 0 goles se viría abaixo algún día. Por desgracia sucedeu a segunda cousa, nos primeiros 45 minutos nin atisvo de ocasións sobre a portería rival mentras que en defensa o equipo non tiña un día afortunado. Así, sin comelo nin bebelo o equipo chegou ó descanso cun 2 a 0 no marcador.
Inda que se arriscou na segunda metade, na que Xabi fixo todos os cambios no descanso, cunha defensa de 3 homes, 4 en medio campo e 3 arriba e se conseguiu acorralar ó Padrenda metendo o 2 a 1 e con un man a man de Fausto que podería supor o empate, o equipo falto de moral veuse abaixo tras pitar o 2º penalti en contra. Un pouco máis adiante coa expulsión de Rodrigo as cousas poñíanse máis difíciles. Inda así o Padrenda quitou un balón de debaixo dous paus que podería supoñer o 3-2, pero o balón non entrou.
Nas postrimerías do encontro outro fallo de marcaxe da zaga á altura do medio campo deixou nun man a man do dianteiro do Padrenda contra Iñaki que acertou a meter. Sería o 4-1 e a sentenza do partido.
Na primeira parte xogaron Iñaki, Daki, Lea, Javi, Gallardo, Sergio, Fausto, Rodrigo, Adrián, Neira e Visi. No descanso entraron Rubén, Mikel, Dani Requeixo e Luis en substitución de Lea, Sergio, Visi e Adrián.
Perder coma onte non é nada agradable nin bonito. A priori o Crespos era un equipo que en cinco partidos estaba por debaixo na táboa. Inda así foi tremendamente superior e moito máis efectivo ca o Arenteiro, que parece non querer correr, disputar os partidos e poñer a intensidade que hai que poñer se se queren sacar os 3 puntos. O equipo de onte comparado co equipo que xogou contra o Cea, Ribeiro ou Velle non se parece en nada e bótase en falta xente que loite e dispute cada balón no campo, cousa que tampouco garantiza o éxito pero é o mínimo que se pode esixir nun equipo filial.
Hoxe por hoxe non somos inferiores a ningún rival pero o que está claro e que este camiño leva cara os postos reales dos últimos clasificados. Calquera rival que se plante no campo e pelexe un pouco será capaz de meternos 4 goles tal e como se viu en Padrenda.
Esta falta de intensidade é o que preocupa nestes momentos á directiva e ó corpo técnico que intentará sair do paso xa este martes ás 11 e media da mañán no partido da copa deputación en Seixalvo.
Outro cantar será o fin de semana que ven contra un dos bos equipos de segunda autonómica, o Barra de Miño. Ogallá consigamos mellorar, seguro que sí.