Novo partido de liga tras a xornada copeira do 4-1 contra o Cidade das Pontes.
Tras o adestramento do Xoves no que os rapaces adestraron a medias co equipo de Preferente (houbo tiros e un pequeno partido) hoxe venres haberá nova convocatoria para o partido contra o Barra de Miño.
Os de Ourense virán a quitar os 3 puntos para estar tranquilos na táboa despois de haberlle gañado a semana pasada ó Maside por 1-0 (cousa que non puderon repetir na copa pois perderon por 0-1 con gol de Paco).
O Barra de Miño ten homes moi corpulentos, un central que dirixe o xogo dende atrás e unha forma de xogar moi agresiva (... outra vez tocará pelexar para gañar senón nada de nada).
No equipo filial son baixas seguras a día de hoxe Rodrigo e Barroso. Haberá que esperar á noite para ver quenes do primeiro equipo son da partida de Xabi e cal erá a convocatoria.
O ánimo está bastante baixo debido á posición que se ocupa na táboa (recordemos que hoxe somos os 3ºs peores de toda a competición) e esperamos que os rapaces den quitado o partido de mañá adiante para empezar a verdadeira remontada cara os postos de arriba.
Os últimos partidos non foron bos en xogo pero mañá sábado toca romper esta racha. Esperemos que mañá nos deitemos con 8 puntos.
No hay comentarios:
Publicar un comentario