Mala imaxe contra o Ribeiro, Arenteiro 0 - Ribeiro 1

Repítese o inicio da primeira volta e as dúbidas que xenera o equipo partido tras partido.
O domingo o equipo tiña por nomes entidade suficiente coma para crearlle ocacións e meterlle algún gol ó Ribeiro pero os locais fixeron unha primeira parte desastrosa e na segunda, inda que se mellorou o equipo non foi capaz de chegar con claridade á porta de Julio, que se amosou moi seguro e tan só pasou apuros na segunda metade a un tiro de Fausto e unha ocasión de Neira.
Por enriba o equipo acaba castigadísimo coa lesión de Mikel, coas molestias de Lea e coa expulsión de Manuel Caíña para ir visitar o fin de semana que vén a un candidato firme ao ascenso como é o Velle.
Xabi colocou de de inicio contra o Ribeiro a Iñaki, Barroso, Daki, Lea, Javi, Cai, Neira, Luis, Varela, Jose e Cancelas. Despois do descanso sairían Mikel e Fausto. Avanzada a segunda metade entraron Visi e Dani.
O debuxo técnico non funcionou en ningún momento e tanto Cai, Jose, Neira e Luis non daban parado á media do Ribeiro que unha e outra vez colocaba balóns as espaldas de Daki, Javi e Lea provocando chegadas de 1 contra 1 na área de Iñaki que por fortuna e por erros dos visitantes eran desperdiciadas unha e outra vez. Sen embargo sería nunha falta rasa e ao lado de Iñaki cando o balón atravesaría a liña de gol e establecía o 0-1 co que acabaría o partido.
Na segunda metade Xabi recompón o equipo e fai unha e outra vez cambios de posicións buscando a chegada á portería. O equipo foi superior e dominou ó Ribeiro pero cara a meta os esforzos foron inútiles. A falta de dous minutos para rematar a grave lesión de Mikel provocou o final do encontro e o resultado merecido do Ribeiro por aproveitar mellor as ocasions que tivo.
Xabi bota en falta a personalidade que debe ter o equipo e a falta de rendemento nos partidos. Hai moitos fallos en cousas moi básicas e costa corrixilos. A esperanza é grande pero unha e outra vez o equipo pon de manifesto erros que os rivais aproveitan: fallos nos pases, baixa forma física, falta de disputa, a idea de ir polo partido e gañalo ... condicionantes que cando ocurren fan que os partidos se conten por derrotas. De tódolos xeitos o equipo na segunda parte repúxose e quixo moito máis pero a pegada foi moi froxa. O equipo necesita estar en todos os partidos ó 100% e calquera vantaxe que se lle conceda aos contrarios pasa factura (non adestrar, sair os sábados pola noite, partidos o día anterior, desmoralización, ...). Hai que intentar vir nas mellores condicións e inda así os rivais non no lo van a poñer fácil. Coa chegada dos xogadores de arriba (Javi, Cancelas, Gallardo e Igor) e tamén coa fichaxe de Cai o equipo debería amosar outra imaxe máis contundente, pero de momento esto debe esperar. Barroso, Neira, Jose, Varela e Fausto tamén deberían ser xogadores que deberían tirar polo equipo e que complementan perfectamente aos anteriores. A primeira oportunidade será o próximo fin de semana e xa veremos como sae o equipo mentalizado contra o Velle esperando para o futuro  a recuperación de Dani Barros, a volta de Martínez e a fichaxe dalgún outro xogador máis para saír dunha vez por todas de tan angustiosa situación e voltar a dar unha boa imaxe de loita e entrega coma en Coles e en Cea.
En canto ao traballo semanal o martes adestraron Neira, Daki, Visi, Luis, Cancelas, Javi, Fausto e Igor. Na primeira parte fixeron un quecemento co primeiro e quipo e na segunda xa con Xabi fíxose un traballo físico e un partidiño de 4 contra 4.
O xoves o equipo adestrará en Maside as 8 e cuarto no típico partido co primeiro equipo.

Arenteiro B - Ribeiro o domingo ás 12 da mañá

Despois da vitoria contra o Cea no que o equipo sacou de novo os 3 puntos agora toca recibir ó Ribeiro.
O campo está ocupado por un mongón de partidos que xoga a escola na casa este fin de semana fronte á posibilidade de xogar o sábado ás 8 da noite a federación diu a súa negativa e polo tanto o partido terase que disputar o domingo a partir das 12 da mañá.

Por outra banda o partido do domigo foi o típico partido de rivalidade onde o Arenteiro B non soupo aproveitar na primeira metade a superioridade numérica frente a un Cea que tan so contaba con 11 homes.
Xabi xogou todo o partido co Xuvenil Joel e diu entrada toda a segunda parte a Abel e 10 minutos a Julián.
Sería Barroso quen ós 15 minutos da segunda se aproveitaría dun erro da zaga do Cea e tras superar por velocidade ó porteiro empurraba a porta baleira facendo o 1-0.
Complicoulle o partido ós filiais a decisión de penalti do árbitro que transformaría Obenza faltando 15 minutos para rematar a contenda, que ademáis traía asociada a expulsión de Gallardo.
Apretando moitísimo o Cea sería de novo unha decisión arbitral a que decretaría un agarrón de Carril a Luis tras unha rápida contra do Arenteiro a falta de 2 minutos o que desnivelaría a balanza tras anotar Javi o 1-2 tamén de penalti.
Pasando moitísimos apuros nos últimos minutos o partido acabaría cunha nova vitoria verde.

Equipo da primeira metade Cea - Arenteiro B

En canto aos adestramentos semanais Cancelas, Javi e Barros siguen tocados e onte martes adestraron Barroso, Fausto, Manuel, Jose e Visi. O próximo adestramento será o xoves ás 8 en Maside.
Os adestramentos co primeiro equipo non son de risa e xa son varios os que se decatan da intensidade e forza dos que intentan gañar un posto no equipo de Romero.
Aquí vos queda unha foto da caricia que recibiu onte Jose.

Os tacos na espiñilla

Cea - Arenteiro o domingo as 4 da tarde

Hoxe venres a partir das 8 e media levarase a cabo o adestramento semanal para preparar a visita ó campo do Cea.
O equipo local non poderá contar con Martinez, Sergio, Varela, Lea, Igor e Jose por sanción.
Pola contra poderá contar con Manuel Caiña e Fausto que adestraron sin problemas o martes e o xoves.

Desta maneira Xabi espera acudir a Cea con Iñaki, Javi, Mikel, Daki, Barroso, Manuel, Gallardo, Fausto, Neira, Visi, Cancelas, Dani Requeixo e Luis, e deberá completar o equipo con 3 xogadores xuvenís.

A sesión de adestramento do venres repartirase entre unha parte xeral co primeiro equipo e unha parte específica de preparación de cada equipo por separado.

Esperemos unha nova vitoria a domicilio e un partido tranquilo ante os últimos acontecementos sucedidos en Cea.

O adestramento do xoves en Maside ás 8

O equipo B adestará esta tarde en Maside ao lado do equipo A a partir das 8 da tarde.
Romero ten pensado facer un partido e contar con 22 xogadores para botar un partido e ir coñecendo e ver a todos os compoñentes do plantel.
Deste xeito e de forma igual co martes os compoñentes do B adestraran combinados cos compoñentes da primeira plantilla.

Con respecto ó partido do fin de semana dicir que 6 serán as baixas por sanción ante o Cea. Ás coñecidas de Martínez e Sergio sumaranse as de Lea, Varela, Igor e Jose.

Por outra banda a ver se se pode contar con Manuel e Fausto que non estiveron no desprazamento ás terras de Coles. No caso de non ser 16 seguramente a convocatoria se complete con xogadores dos xuvenís.

Mañá venres será o último adestramento e a convocatoria para viaxar a terras panadeiras e a expensas da disposición de campo veremos a que hora e en que lugar se levará a cabo. Se non hai novidade o adestramento será na Uceira.

Coles 2 - Arenteiro B 3

O Arenteiro B sobrepúxose ao Coles e as continuas provocacións do árbitro e superou aos locais por 2 a 3 nun partido que se acabou 12 minutos mais tarde do horario e con dous homes menos sobre o campo tras haber sido expulsados Jose e Varela no longo do transcurso da segunda metade.

E a cousa víase vir pois xa aos 15 minutos eran xa 4 os homes cargados con cartón marelo sin haber ningunha xogada violenta e nin siquera faltas ante a incredulidade dos xogadores e seguidores dos do Carballiño.

Olvidándonos desto e con respecto ao partido aos 15 minutos Neira adiantaba aos filiais tras unha das moitas incursións de Cancelas pola banda que se ía unha e outra vez da súa marca.
3 minutos despois empatarían os locais nunha mala saida de Iñaki e ante a pasividade da defensa nun saque de esquina no que o dianteiro local remataba de cabeza sen ningunha oposición.
Lonxe de abatirse os do Carballiño daban a cara e nunha falta botada por Neira era rematada de forma perfecta por Igor libre de marca conseguindo o 1-2 co que se chegaría ao descanso.
O segundo tempo mais do mesmo. O acoso arbitral mermaba aos visitantes e nunha xogada cun pase largo entre a liña defensiva era rematado a pracer polos locais tras o pase hacia atrás dende a liña de fondo.
O Arenteiro contrarrestou ó Coles con pelexa e pundonor e sería Varela nunha forte bolea dende mais atrás do punto de penalti o que conseguiría o definitivo 2 a 3 sufrindo nos últimos minutos coa expulsión de Varela faltando 5 minutos. Aos 10 minutos da segunda parte xa fora expulsado Jose e a esto sumábanselle as lesións de Lea e as sobrecargas de Javi, Neira e Cancelas.

Xabi recompusxo o equipo como poido.Barroso tomaba o lateral dereito, Igor o centro da defensa con Gallardo e Daki o lateral esquerdo. Por diante Mikel, Luis, Visi e Dani que entraron en substitución dos anteriores eran os mais adiantados pero tiveron que axudar a tope para aguantar un partido que empezou ás 4 e que ás 6 e 5 inda non rematara.

Ao final traballada e merecida vitoria dos filiais que da moral e ilusión para a visita do fin de semana que vén a terras panadeiras contra o Cea dos ex-carballiñeses e coñecidos Jonhny, Diego, Rubén I, Jorge, Rubén II ou o recente chegado Diego Sampayo aos que se lle xuntan os coñecidos Carril, Danilo, Fran, Obenza, Victor ou Omar, todo un equipo que mira ao ascenso de categoría.

Coles - Arenteiro B o sábado ás 16:00

A última xornada da primeira volta disputarase o sábado ás 4 da tarde.
Os enfrontamentos son os seguintes:

O venres haberá un adestramento suave e farase a convocatoria dos 16 xogadores que defenderán a camiseta do Arenteiro contra o Coles co fin de acadar 3 novos puntos contra un rival directo ao que deberiamos gañarlle inda que na súa casa son un rival complicado.

O novo ano escomenzará o Martes para o Arenteiro B

O Martes levarase a cabo o primeiro adestramento do ano en horario habitual de 9 da noite.

O adestramento servirá de toma de contacto e de preparación para o último partido da primeira volta contra o Coles.

Lembremos que o último partido xogado na casa perdeuse por 1 gol a 2 contra o Leiro e que tanto Martínez como Sergio foron sancionados con 5 partidos.

Así desta maneira empezará a andaina do Arenteiro B no 2011 con vistas a salvar a categoría e gañar os máximos partidos posibles.